Ирина Габитова - Уг тодӥськы

Уг тодӥськы

Уг тодӥськы, уг тодӥськы,

Кыӵе меда сяськаялоз

Садысьтымы мак сяськамы.

Уг тодӥськы, уг тодӥськы,

Кыӵе меда емыш сётоз

Садысь мерттэм улмопумы.

Огзэ гинэ мон тодӥсько но оскисько,

Асьмелэн ваньмыз ӟеч луоз.

Ӧз кысы ке яратонмы, ӧм куштэ ке,

Ӧм куштэ ке огмес-огмы.

Уг тодӥськы, уг тодӥськы,

Уӵы лыктоз на-а меда

Яратоно кызьпуамы.

Уг тодӥськы, уг тодӥськы,

Жингыртозы на-а выльысь

Ӵош кырӟаллям крезьгуръёсмы.

Огзэ гинэ мон тодӥсько но оскисько,

Асьмелэн ваньмыз ӟеч луоз.

Ӧз кысы ке яратонмы, ӧм куштэ

Ӧм куштэ ке огмес-огмы.

Эн дӥсьты. Лулгур но Ирина Габитова

Эн дӥсьты

Крез. И. Габитовалэн

Тон, четлыкысь мӧзмись уӵы выллем,

Улонэдлы ӧбкелиськод.

Сьӧд нюлэсъёс сьӧры шудэ пегӟе –

Озьы туннэ но малпаськод.

Инбам тыныд ас чеберзэ кузьмам,

Шунды вордэм яратыса.

Лыктӥсь тулыс мынямъёстэ возьма,

Шулдыр мылкыд тыныд дася.

Эн дӥсьты карганы та улонмес,

Секыт ке но, со тунсыко!

Азяд шедёз шудо чагыр ошмес,

Лулыз сюрем, йӧныз сюроз.

Льӧмпу сяська но мынектоз али,

Уӵы но вераськоз тонэн.

Шат тон огнад дунне вылэ кылид?

Шудэд сьӧрад, сьӧрад ини мынэ!

        Эн дӥсьты карганы та улонмес,

Секыт ке но, со тунсыко!

Азяд шедёз шудо чагыр ошмес,

Лулыз сюрем, йӧныз сюроз.