Витиськом вуоно концерт сезонын!

Витиськом вуоно концерт сезонын!
Витиськом вуоно концерт сезонын(3412) 43-49-90 пелепонъя вазиське

понедельник, 21 февраля 2011 г.

Пазяла...

Пазял гурт - Можга ёросысь огез бадзымез удмурт гурт.
Отысь мынам чужатае, Николай Чернов. Отын кема дыр чоже улэмын чужанае Лидия Дмитриевна но мамае.
И отын улэ Толик )))
Некто, кин алигес "засветился" "Мон егит" передачаын мынам нырысети яратонэ шуыса. Типа. Туж умой шудиз камера вылэ, молодец. Малпаз нежной история, кызьы ми поръяллямы... Мыным вал соку я 16 я 18, уг ни тодиськы.

И вот милям туннэ гастрольёс - Пазял гуртэ! Со сяна М. Валожикъяе но - "Шулдыр жыт" программа.

Вот малпаськисько ни, Анатолий вуоз-а, уз-а, яке кунянъёсызлэсь уз мозмы?

Гажаса, Дарали Лели,
"Шулдыр жыт" театрысь кылузырлыкъя усточи.

Фанатка синмаськиз Серебренниковлы но Минеахметовлы ,)

"Удмурт дунне" гожтэ:

Синмаськи - быри!

Кемалась ик овол Сарапул ёросысь Сигаево гуртамы вуылизы но сюлэме пычамон концерт сётизы эстрада кырзанъя «Шулдыр жыт» ансамбльысь артистъёс. Чузъяськизы удмурт, пор, зуч кырзанъёс. Сцена вылысь усточиос шоры учкыса, эсьмаса, кырзаны но, эктыны но мылкыд жутиськиз. Нош «шулдыр жытъёслы» тау карон сярысь малпан йырам чилектиз но, кылы быгыльмиз, пыдъёсы купырмизы. Соин ик тау карон кылъёсме но сюлэмме газет пыр шараяме потиз.
Коня зеч кыл веразы артистъёс учкисьёслы - ваньмыз асьсэлы но ньыльдон пол мед берытскоз. Сюлэм ик няська, мылкыд ик жутиське, соос шоры учкыса: удмурт анай-атайёссы сыче бадзым быгатонлык, дисьтонлык но йонлык пычатиллям та «Шулдыр жытысь» кырзасьёслы!
Нимысьтыз кыл вераме потэ Руслан Серебренниковлы. Атаезлэн кисьтэм-басьтэм тусбуйыз гинэ лякиськымтэ Русланлы: пычаса кылем анай-атаезлэн жингрес куаразы, йонолэсь йоно выросъёссы, учкисьлэн сюлэмаз усьтон шедьтон быгатонлыксы. Солы амалтэк синмаськод!
Нош мусо Сашикез (егит артист Александр Минниахметовез) тыбыртиз топ-топ вешаме потэ. Аслаз куараез кырзась гумыезлэсь (курайлэсь), оло, сю поллы чебергес. Нош эктэмез, поръямез… Чылк-чылк удмурт.
Чиданды ноку медаз чигы, сцена вылэ котькуд потэмды вой вылти кадь мед ортчоз, калыклы вунонтэм мед кылёды. Лымы букосъёсын чоктам пичи гуртъёсы, бадзым каръёсы - вольыт сюрес!
Н. Батуева.
Сарапул ёрос.


П. С. Саша Минеахметовлэн янгышен гожтэмын ук нимыз :)


 Фотоын: Серебренниковлэн выросъёсыз - выжыысь-выжые.

http://www.udmdunne.ru/articles/art6124.html 

пятница, 18 февраля 2011 г.

Кинлы кулэ "правительственной" концертъёс?

Галичанина Маринаен, курткаосмес кунуламы шымыртыса, пыриськом Операя но Балетъя театре. Отын пеймыт, сцена вылын ортче "действо"... Экран пыр али кылдытоно суред адске. Романтично.
Поздеев Паша урдсазгес сылэ, мырк-мырк учке сцена шоры. Залын синйылтыны луэ на филармони кивалтисез (?..) Д. Ф. Кокоринэз, министрез Д. Е. Ивановез, "Айкай" коллективлэсь кивалтисьсэ но, П. Даниловез.
Нош концерт-репетиция азьланьтиське. Тани сцена вылэ пото кыче ке туж патриотичной пиос. Кор-юбоос кадь соос сыло, оскымон кырзало шаермы но кужмо пиосмуртъёс сярысь. Только... шуш кырзало. И учкымонэсь но овол. Галичанина собере валэктэ, соос профиос овол, соос кыче ке сыче структураысь, соин ик концертэ пырисько.
Шуак кылдо Мальцев но Серебренников. Соос борсьы - витьымтэ десант: тодьы костюмъёсын барабанщицаос. Ваньмыз дымбыр-йыг, хореографи катъёслы луыса, сураське мусо патриот номере. "И стояли барышни у обочин!" - пото Ручкина но Панченко. Ох! Ах! Аты-баты.
Ваньмыз сураське барабанщицаос полын: шифонэ шобырскем нылъёс, Руслан но Володя. Мукетыз номер - пичи пияшъёс-морячокъёс.
З патриотичной морячок кырзан бере пиналъёсты адз:емпотостэм карыны кутскиськод :)
Занавес со вакытэ ворсамын (а пиос весь морячок карисько на), отын маке пуктыло. Тани пото ини формаен концертэз нуись но кузь дэремен нылкышно-нуись. Катанчи жутске. Отын оркестр! Зечкыласьком 23-ти: тулыспалэн! Ур-ра! Ваньмыз быре данъян но тау карон кырзанэн. Нош ик пото барабанщицаос. Катанчи ворсаське.

Вот озьы ортчо кивалтэтэн юнматэм концертъёс :)