Яратӥськод. Кырӟа "Шулдыр ӝыт" (Гербер+Малпан)

ЯРАТӤСЬКОД

(Любишь)

 кыл. Армази Очей, крез. М. Галичанина

1.   Яратӥськод, яратӥськод.

Яратӥськод, яратӥськод.

Нош яратон куре ялан

Ӟечсэ, выльзэ.

Припев:  Тон яраты, тон яраты  огшоры,

                Тон яраты, тон яраты   ваменэс,

                Тон яраты, тон яраты, тон  яраты…

2.   Яратӥськод, яратӥськод.

Яратӥськод, яратӥськод.

Со котырын – нюлэс,

Тон котырын  - инбам.

Припев:  Тон яраты, тон яраты дыртытэк,

                Тон яраты, тон яраты чашйыса,

                Тон яраты, тон яраты, тон яраты…

3.   Яратӥськод, яратӥськод.

Яратӥськод, яратӥськод.

Улон ортче туж ӝог,

Ымдур куасьме, куар усе.

Припев:  Тон яраты, тон яраты  ӧжытгес,

                Тон яраты, тон яраты куддыръя,

                Но яраты, но яраты, но яраты…

1.        Любишь…,а любовь постоянно просит (требует)

Нового, лучшего.

Ты люби обычно,

Ты люби капризно!

Ты люби, люби….

2.        Любишь….

Вокруг неё – лес, вокруг тебя – небо.

Ты люби не спеша,

Ты люби молнееносно,

Ты люби, люби….

3.        Любишь…

Губы сохнут, листья опадают.

Ты люби поменьше,

Ты люби иногда,

Но Люби, люби….                                                                                        2010 г.

Кык пол кык! Кырӟа "Малпан"

КЫК ПОЛ КЫК

(Дважды два)

(сл. Н. Пчеловодова, муз. М. Галичанина)

1.   Мынам кык пыды, тынад кык пыдыд -

Кыре поттыса, тӧлэн шудомы.

П: Кык пол кык - ньыль, ньыль, ньыль!

Кык пол кык - ньыль, ньыль, ньыль!

2.   Мынам кык синмы, тынад кык синмыд –

Инмысь валъёсты адӟомы.

3.   Мынам кык киы, тынад кык киыд –

Зорез, шундыез суредаломы.

4.   Мынам тон эшэ, тынад  мон эшед –

          Ваче ки кутскыса  ветломы.

2009 г.

Соку но вал зор. Кырӟа "Малпан"

Соку но вал зор

(И тогда был дождь)

сл. И. Самигулова, муз. М. Галичанина

1.   Соку но вал зор, чилекъяз,

    Со ӝытэ тонэ зор мон дорысь лушказ.

    Соку но вал зор, тон кошкид мон дорысь,

    Берпум учкемдэ шӧдӥ зор пӧлысь.

Р:   Зорлэн шапыказ тынад куараед,

      Зорлэн усемаз ышиз пытьыед,

      Нош зор шапыкъёс усё, усьыло.

      Тонэ син азям, тодам вайыто.

2.   Соку но вал, зор ултӥ вамышъям,

    Берпум кылъёсыд али но пель сьӧрам.

    Соку но вал зор, тон ышид зор пӧлы,

    Синкыли зор шапык – пыраклы.

3.   Соку но вал зор, зор али но зоре,

Мӧзмыса малпасько весь мон тонэ.

    Соку но вал зор, зор али но зоре,

    Тодӥсько зор вала мынэсьтым малпанме.

2006г.

Тон одӥг улонам! Кырӟало Марина Галичанина но Александр Минеахметов

Тон одӥг улонам 

(Ты для меня один)

(сл. В. Котков, муз. М. Галичанина)

1.      Тон сыӵе ик мыным, тон уд луы мукет,

   Дэриен саптаны малпазы ке куке.

   Тодӥсько: верало ӧвӧлзэ – ваньтэмзэ,

   Вузало – курлало, поттыло лек шизэс.

Р: Тон одӥг улонам,

   Тон азьло кадь чебер.

   Тон озьы ик мынам,

   Тон - шунды, тон – гербер!

2.     Но уг чигы чидан, яратон  пуроме.

   Сюлэмлы – сӥ но дан!...Но бамы нюроме.

   Мон тынад жалясед, мон тонэ валасько.

   Со я та  паласен лек шиез  тӥясько.

2006 г.

Эшъёс ке вань

ЭШЪЁС КЕ ВАНЬ

(Когда у тебя есть друзья)

сл. С. Соснов, муз М. Галичанина

1.    Тылпу кысэ, пӧрме пеньлы, 

Лобе тӧлъя-буръя.

Сюлме кыле нош пыраклы, 

Мар вал егит дыръя.

П: Улон шулдыр, эшъёс ке вань,        

     Кырӟа ӝутскем мылкыд.

     Мыном дэмен  котьку азьлань,

     Номыр уз лу кышкыт.

2.    Уӵыосын арамаос 

     Сӥзьыл луо шыпыт.

Улон кузьма  уно эшъёс,

Соин сюлмын шуныт.

3.    Нюкъёс кузя сылмо бусъёс,

Выльысь ӝужа шунды…

Весь син азям мусо тусъёс,

Сюлмам туннэ ваньды.

2009 г.

Пишты мыным! OST Узы-боры

ПИШТЫ МЫНЫМ

(Свети мне)

(кыл. Дарали Лели, крез. М. Галичаниналэн)

1.       Пумиськон – вакчи вакыт,

Кизили усем выллем.

Сюлэмы – тылбубыли,

Тон котыр поръя мылкыд.

Синмаськон – инворекъян,

Шӧдонтэм улсын гомӟе.

Ышыкуд – шунды пуксе,

Со дыре – пеймыт акшан.

Припев:  Пишты мыным, пишты уйин,

       Югдыты сюресме.

       Кизилиос музэн ми выйим

       Яратон инвисэ.

2.      Воректон – шӧдтэк шорысь

Кизили ӝужаз инмын.

Учкиськод но, со вӧзын

Ворекъя ни мукетыз.

Огазьын – ӵошен кырӟан,

Кык тыллэн чилясь быжыз.

Кык тыллэсь потэ кужым,

Асьмемыз со юн герӟа. 

Табере та блогын - удмурт кырӟанъёслэн кылъёссы!

Л. Быковалэн репертуарысьтыз

Сю пӧртэм сюрес

Берыктӥз Т. Чернова

Ӧм малпалэ, ӧм тодэ

Ӧм но туналэ ноку

Пилемозь малпанъёсмы но

Ӧз но лобалэ соку

Асьмемыз чик тодытэк но

Мынӥмы ваче пумит

Туж пельскон дыръя но

Ӧм луэ мынтӥт

Сю пӧртэм сюрес

Асьмеды возьма но

Сю пӧртэм ӧсэз

Усьтытозь ай кема

Сю курадӟонэз

Асьмелы пырпотоно но

Сю арозь

Асьмелы ай улоно

Ог-огмес курадӟытъям но

Нош выльысь йыбыртъямы

Шудбурмес ыштылӥмы но

Нош кутӥм ас киямы

Табере чалмыт гинэ но

Луысал, дыр, улэммы

Ог-огмес тырмыт кадь

Асьмеос тодӥмы

Сю пӧртэм сюрес

Асьмеды возьма но

Сю пӧртэм ӧсэз

Усьтытозь ай кема

Сю курадӟонэз

Асьмелы пырпотоно но

Сю арозь

Асьмелы ай улоно

Сю пӧртэм сюрес

Асьмеды возьма но

Сю пӧртэм ӧсэз