Эн дӥсьты. Лулгур но Ирина Габитова

Эн дӥсьты

Крез. И. Габитовалэн

Тон, четлыкысь мӧзмись уӵы выллем,

Улонэдлы ӧбкелиськод.

Сьӧд нюлэсъёс сьӧры шудэ пегӟе –

Озьы туннэ но малпаськод.

Инбам тыныд ас чеберзэ кузьмам,

Шунды вордэм яратыса.

Лыктӥсь тулыс мынямъёстэ возьма,

Шулдыр мылкыд тыныд дася.

Эн дӥсьты карганы та улонмес,

Секыт ке но, со тунсыко!

Азяд шедёз шудо чагыр ошмес,

Лулыз сюрем, йӧныз сюроз.

Льӧмпу сяська но мынектоз али,

Уӵы но вераськоз тонэн.

Шат тон огнад дунне вылэ кылид?

Шудэд сьӧрад, сьӧрад ини мынэ!

        Эн дӥсьты карганы та улонмес,

Секыт ке но, со тунсыко!

Азяд шедёз шудо чагыр ошмес,

Лулыз сюрем, йӧныз сюроз.

Мон кошкисько. Надежда Уткина

Мон кошкисько

Кыл. П. Захаровлэн, крез. Н. Уткиналэн

Мон кошкисько, ӧсме ворсатэк:

Мед юзмалоз омыр.

Мон кошкисько, кылме вератэк,

Мон кошкисько узыр.

Мон кошкисько, сюлмы нош бӧрдэ:

Кызьы улод монтэк…

Маин воштӥд пичи шудбурдэ,

Кин-о тонэн артэ?

Припев:

Вылын, синсузёнтэм пеймыт инмын

Ю бусымы ӟаректэ.

Кытын, кытын-о тон мынам, кытын,

Шудкисьматӥсь югытэ?

Югытэ, югытэ…

Мон кошкисько, ӧсме ворсатэк,

Мед адӟиськоз сюрес.

Мед со кылёз тыныд вунонтэм,

Мед вӧтатоз ӵемгес.

Мон кошкисько, кылме вератэк,

Мед малпаськод ялан,

Маин чидай, сюлмысь поттытэк,

Мае нуи сьӧрам.

Припев.

Мон кошкисько, ӧсме ворсатэк,

Тӧл кадь капчи но секыт.

Мон кошкисько ӟардон пумитэ –

Гарамурес, гольык пыд.

Мон кошкисько, кылме вератэк,

Мед ӟырдалоз лулы –

Мед со гомӟоз уйшор пеймытэ

Шуд кадь ӧтись тылын.

Выль улон. Светлана Ермакова

Выль улон

Кыл. А. Белоноговлэн, крез. А. Анкудиновлэн

Ой, улонэ мынам, ой, дауре,

Крезьгурало вадьсам сӥзьыл куаръёс.

Кытчы меда, кытчы кошко аръёс,

Жин вазьыса кадь чингыли гурен?

Югак ӝужаз-быриз сяська дыры,

Бен, ӵок, солы уг пот куректэме.

Мылкыдылэн потэ на кырӟамез,

Туннэ зарни вакыт ай мон дорын.

Припев:

Азьлань, я ойдо, ӵош вамышъялом,

Мед учкозы лушкем вожъяськонэн.

Ой, кыӵе шудбуро ук мон тонэн –

Лыктэ кадь кыӵе ке но выль улон.

Ялан мыным ӝужа на кадь тулыс,

Уг сӥялскы сюлэмылэн тылыз.

Егитлыке, тонэн ай мон, тонэн.

Маин меда ӵошатымон дуныд?

Азьлань, я ойдо, ӵош вамышъялом,

Мед учкозы лушкем вожъяськонэн.

Ой, кыӵе шудбуро ук мон тонэн –

Лыктэ кадь кыӵе ке но выль улон.

Милый мой (Гажанэ - на русском)

Милый мой

Муз., свобод. перевод А. Плотниковой

1. Я не помню, в каком же году

Ты влюбился в гармошку свою.

Каждый вечер девчоночки ждут,

Под твою игру звонко поют.

         Милый мой,

Мой милый, дорогой,

Как часто ты меня

Обходишь стороной.

Кто сказал тебе в нашем кругу,

Что я петь и плясать не могу?

Вот возьму я трехрядный баян

И спою тебе, как Бабаян!

Шуныт омыр. Кырӟа Галина Платонова

Галина Платоновалэн но Альбина Дуркиналэн дуэтсы понна.

Шуныт омыр

Кыл. Пётр Захаровлэн, крез. Сергей Колеватовлэн

Ӟукыр вазе шальтрам уробоед,

Питыранэз сюрес кожысь пота.

Кызьы меда уд адӟиськы сое,

Кызьы меда сюлмыд сое чида?

Припев:

Огпол ке но шуныт пальпотыса,

Пӧсь тулкымдэ шокчид ке сюлэмам,

Шудбур пӧлы тонэ выйытысал,

Кема витем яратонэ мынам.

Кема витем яратонэ мынам.

Шуныт омыр туга йырсиосме,

Йыры берга шузи поромонэн.

Курыт мӧзмон сюпсе висись лулме:

Кытын-о тон, мынам яратонэ?

Тани нош ик дунне тулкымъяське,

Сюлмам нош ик вордске выль осконэ,

Выль осконэн лулы шукыяське,

Эх, улонэ, эн кышкаты монэ…

Тон шедьтод-а. Кырӟа Михаил Ворончихин

Тон шедьтод-а

1.Возь вылысь ӵуж сяськалы

Мон ӧй оскылы ноку.

Синмаськи чебер ныллы,

Со юаз келяськыку:

Тон шедьтод-а, тон ваёд-а,

Егит пи, мыным туннэ

Шурмы дурысь арамаысь

Усьтӥськись италмасэз?

Ӵуж сяська люкиськонлы! –

Гажанме мон алӥсько.

Шыпытак шуиз: ваёд,

Монэ ке яратӥськод.

2.Мар карод, кузьмай сяська,

Сюлэмме вӧзаз ватсай.

Сюанмы ортчем бере но

Кузпалы иса на ай:

Тон шедьтод-а, тон ваёд-а,

Егит пи, мыным туннэ

Шурмы дурысь арамаысь

Усьтӥськись италмасэз?

Мынӥсько возьёс вылэ

Тулыс сяська бичаны.

Малы ке сюлэм висе:

Италмас – люкиськонлы.

3. Нош огпол пичи нылы

Вешало, шуэ мыным.

Ас понназ серекъяса,

Вазиськиз исаськыса:

Тон шедьтод-а, тон ваёд-а,

Вешаме понна, атай,

Шурмы дурысь арамаысь

Шунды кадь ӵуж италмас?

 Мон уг кышка ни, эшъёс,

 Возь вылысь сяськаослэсь,

Герӟазы угось соос

 Яратӥсь сюлэмъёсмес!

 Тӥ эн курлалэ, эшъёс,

 Возь вылысь сяськаосты.

Юрттозы котьку соос

 Яратӥсь сюлэмъёслы.

Гажанэ (Анна Плотникова)

Гажанэ

Кыл. Мих. Федотовлэн, крез. Анна Плотниковалэн

1.

Мон уг тодӥськы, кыӵе со вал ар?

Лулпуын ӵужектэ ни вал куар.

Соку мар сипыртӥд тон пелям,

Тон монэ соку туж ӟыгыръяд.

Гажанэ,

Мынам тон гажанэ.

Мынам тон гажанэ,

Кытын тон табере?

2.

Буйгатскем сюлэмме бугыръяд,

Нош лулпу шонаськиз ӵукна пал.

Оло нош тон шуод, со ӧй вал?

Ваньмыз вал, ваньмыз вал, ваньмыз вал…

Гажанэ,

Мынам тон гажанэ.

Мынам тон гажанэ,

Кытын тон табере?