Тугоко. Кырӟа Наталья Матвеева!

Тугоко

1. Нош учкид тон синъёсам,

Тылгизьы пазьгид сюлмам.

Шыпытак вазид: «Тонтэк

Лобасько мон пал бурдтэк.

Вань дунне луоз тынад,

Вань сяськаос пыд дорад.

Яратонме-шунытме

Кузьмало тыныд гинэ».

Припев:

Чебер-чебер тугоко

Кылъёслэсь керттӥд.

Чебер-чебер тугоко

Тон мыным вайид.

Тугоко бордаз кыске,

Синмез мальдытэ.

Басьтоно-а, ӧвӧл-а

Чебер кузьымдэ?

2. Ой, чебер, чебер кылъёс

Шуныт тӧл кадь вешасьёс,

Тӥ сьӧры мон кошкысал,

Кошкысал но ышысал.

Нош мар ке монэ возе,

Оло сюлэмы изе.

Оло шудо дыръёсмес

Вунэтӥз кезьыт ошмес.

Припев.

3. Уӵыпи уйбыт кырӟа,

Малпанъёсты бугыръя.

Нош ӵукна укно азям

Оло тӧлсяська пязям.

Оло вань дунне борды

Ватсасал сяськаосты.

Яратондэ-шуныттэ

Тон вайид мыным туннэ.

Припев.

Amiso Wott (Амисо Вотт) - Пудо

Куное монэ ӧтизы,
ӵошен чай юом шуизы.
Шумпотыса мынысал,
скал кыскемын ке лусал!

Опа-опа-опа-па,
вань пудо сиён возьма.

Концертэ но мынысал,
кырӟамзэс но кылзысал,
эктэмзэс но учкысал,
парсь сютэм ке ӧй лусал!

Опа-опа-опа-па,
вань пудо сиён возьма!

Городэ но ветлысал,
аслым чулки басьтысал.
Нош кызьы-о мыноно?
Ыжъёсты ук сюдоно!

Опа-опа-опа-па,
вань пудо сиён возьма.

Диван вылын пукысал,
«Кармелита» учкысал!
Нош мар карод, вот беда,
сютэм карт сиён возьма!

Опа-опа-опа-па,
вань пудо сиён возьма.

Эн дӥсьты. Лулгур но Ирина Габитова

Эн дӥсьты

Крез. И. Габитовалэн

Тон, четлыкысь мӧзмись уӵы выллем,

Улонэдлы ӧбкелиськод.

Сьӧд нюлэсъёс сьӧры шудэ пегӟе –

Озьы туннэ но малпаськод.

Инбам тыныд ас чеберзэ кузьмам,

Шунды вордэм яратыса.

Лыктӥсь тулыс мынямъёстэ возьма,

Шулдыр мылкыд тыныд дася.

Эн дӥсьты карганы та улонмес,

Секыт ке но, со тунсыко!

Азяд шедёз шудо чагыр ошмес,

Лулыз сюрем, йӧныз сюроз.

Льӧмпу сяська но мынектоз али,

Уӵы но вераськоз тонэн.

Шат тон огнад дунне вылэ кылид?

Шудэд сьӧрад, сьӧрад ини мынэ!

        Эн дӥсьты карганы та улонмес,

Секыт ке но, со тунсыко!

Азяд шедёз шудо чагыр ошмес,

Лулыз сюрем, йӧныз сюроз.

Мон кошкисько. Надежда Уткина

Мон кошкисько

Кыл. П. Захаровлэн, крез. Н. Уткиналэн

Мон кошкисько, ӧсме ворсатэк:

Мед юзмалоз омыр.

Мон кошкисько, кылме вератэк,

Мон кошкисько узыр.

Мон кошкисько, сюлмы нош бӧрдэ:

Кызьы улод монтэк…

Маин воштӥд пичи шудбурдэ,

Кин-о тонэн артэ?

Припев:

Вылын, синсузёнтэм пеймыт инмын

Ю бусымы ӟаректэ.

Кытын, кытын-о тон мынам, кытын,

Шудкисьматӥсь югытэ?

Югытэ, югытэ…

Мон кошкисько, ӧсме ворсатэк,

Мед адӟиськоз сюрес.

Мед со кылёз тыныд вунонтэм,

Мед вӧтатоз ӵемгес.

Мон кошкисько, кылме вератэк,

Мед малпаськод ялан,

Маин чидай, сюлмысь поттытэк,

Мае нуи сьӧрам.

Припев.

Мон кошкисько, ӧсме ворсатэк,

Тӧл кадь капчи но секыт.

Мон кошкисько ӟардон пумитэ –

Гарамурес, гольык пыд.

Мон кошкисько, кылме вератэк,

Мед ӟырдалоз лулы –

Мед со гомӟоз уйшор пеймытэ

Шуд кадь ӧтись тылын.

Выль улон. Светлана Ермакова

Выль улон

Кыл. А. Белоноговлэн, крез. А. Анкудиновлэн

Ой, улонэ мынам, ой, дауре,

Крезьгурало вадьсам сӥзьыл куаръёс.

Кытчы меда, кытчы кошко аръёс,

Жин вазьыса кадь чингыли гурен?

Югак ӝужаз-быриз сяська дыры,

Бен, ӵок, солы уг пот куректэме.

Мылкыдылэн потэ на кырӟамез,

Туннэ зарни вакыт ай мон дорын.

Припев:

Азьлань, я ойдо, ӵош вамышъялом,

Мед учкозы лушкем вожъяськонэн.

Ой, кыӵе шудбуро ук мон тонэн –

Лыктэ кадь кыӵе ке но выль улон.

Ялан мыным ӝужа на кадь тулыс,

Уг сӥялскы сюлэмылэн тылыз.

Егитлыке, тонэн ай мон, тонэн.

Маин меда ӵошатымон дуныд?

Азьлань, я ойдо, ӵош вамышъялом,

Мед учкозы лушкем вожъяськонэн.

Ой, кыӵе шудбуро ук мон тонэн –

Лыктэ кадь кыӵе ке но выль улон.

Милый мой (Гажанэ - на русском)

Милый мой

Муз., свобод. перевод А. Плотниковой

1. Я не помню, в каком же году

Ты влюбился в гармошку свою.

Каждый вечер девчоночки ждут,

Под твою игру звонко поют.

         Милый мой,

Мой милый, дорогой,

Как часто ты меня

Обходишь стороной.

Кто сказал тебе в нашем кругу,

Что я петь и плясать не могу?

Вот возьму я трехрядный баян

И спою тебе, как Бабаян!

Шуныт омыр. Кырӟа Галина Платонова

Галина Платоновалэн но Альбина Дуркиналэн дуэтсы понна.

Шуныт омыр

Кыл. Пётр Захаровлэн, крез. Сергей Колеватовлэн

Ӟукыр вазе шальтрам уробоед,

Питыранэз сюрес кожысь пота.

Кызьы меда уд адӟиськы сое,

Кызьы меда сюлмыд сое чида?

Припев:

Огпол ке но шуныт пальпотыса,

Пӧсь тулкымдэ шокчид ке сюлэмам,

Шудбур пӧлы тонэ выйытысал,

Кема витем яратонэ мынам.

Кема витем яратонэ мынам.

Шуныт омыр туга йырсиосме,

Йыры берга шузи поромонэн.

Курыт мӧзмон сюпсе висись лулме:

Кытын-о тон, мынам яратонэ?

Тани нош ик дунне тулкымъяське,

Сюлмам нош ик вордске выль осконэ,

Выль осконэн лулы шукыяське,

Эх, улонэ, эн кышкаты монэ…